Gujaratreport
ભારતીય હવામાન વિભાગ (IMD) એ શુક્રવારે છોટાઉદેપુર, પંચમહાલ, દાહોદ, વડોદરા, ભરૂચ અને વલસાડ જિલ્લામાં જુદા જુદા સ્થળોએ ‘ભારેથી અતિ ભારે વરસાદ’ની આગાહી કરી છે. અધિકારીઓએ જણાવ્યું હતું કે ગુરુવારથી વરસાદને કારણે મધ્ય ગુજરાતના છોટાઉદેપુર જિલ્લાના બોડેલી તાલુકા અને દક્ષિણ ગુજરાતના સુરત જિલ્લાના બારડોલી તાલુકાના વિવિધ વિસ્તારોમાં પાણી ભરાયા હતા.
આ સાથે વડોદરાના કરજણ તાલુકાના નીચાણવાળા વિસ્તારો પાણીમાં ગરકાવ થઈ ગયા હતા.દક્ષિણ અને મધ્ય વિસ્તારના વિવિધ વિસ્તારોમાં શુક્રવારે પણ ભારે વરસાદ પડ્યો હતો. છેલ્લા 30 કલાકમાં પડેલા વરસાદને કારણે અનેક જગ્યાએ પાણી ભરાયા હતા. સ્ટેટ ઇમરજન્સી ઓપરેશન સેન્ટર (SEOC) એ અહેવાલ આપ્યો છે કે આ સમયગાળા દરમિયાન 19 તાલુકાઓમાં 100 મિલીમીટર (mm) થી વધુ વરસાદ નોંધાયો છે. અધિકારીઓએ જણાવ્યું હતું કે સુરતના મહુવા તાલુકામાં ગુરુવારે સવારે 6 વાગ્યાથી શુક્રવારે બપોરે 12 વાગ્યા સુધીમાં 302 મિમી વરસાદ નોંધાયો હતો.
આજે અને રવિવારે પણ વરસાદ પડશે IMD દ્વારા આજે જાહેર કરાયેલી આગાહીને ટાંકીને જણાવ્યું છે કે શનિવાર અને રવિવારે ગુજરાતના કેટલાક ભાગોમાં હળવાથી મધ્યમ વરસાદ પડી શકે છે.
કયા વિસ્તારમાં કેટલો મીમી વરસાદ? મહુવા બાદ નવસારી જિલ્લાના નવસારી તાલુકામાં 271 મીમી વરસાદ નોંધાયો છે. આ સાથે જ ડાંગ જિલ્લાના સુબીરમાં 196 મીમી, સુરતના બારડોલીમાં 201 મીમી, નવસારીના જલાલપોરમાં 186 મીમી, વલસાડના કપરાડામાં 182 મીમી, તાપી જિલ્લાના સોનગઢમાં 179 મીમી, વલસાડના ઉમરગામમાં 167 મીમી, પાવીમાં 167 મીમી વરસાદ નોંધાયો છે. – છોટાઉદેપુરનો. જેતપુરમાં 175 મીમી, છોટાઉદેપુરના બોડેલીમાં 146 મીમી અને પંચમહાલના જાંબુઘોડામાં 107 મીમી વરસાદ નોંધાયો હતો.
રાજ્યમાં આગામી 24 કલાક દરમિયાન ધોધમાર વરસાદ ગુજરાતના અનેક હિસ્સાઓમાં વરસી શકે છે. છેલ્લા 24 કલાકની વાત કરીએ તો રાજ્યના અનેક વિસ્તારોમાં ભારે વરસાદ વરસ્યો હતો. મહત્વનું છે કે, સૌરાષ્ટ્ર, મધ્ય ગુજરાત અને દક્ષિણ ગુજરાતમાં અતિભારે વરસાદની આગાહી હવામાન વિભાગે કરી છે.
પણ મધ્ય અને દક્ષિણ ગુજરાતને મેઘરાજાનું વધુ જોર જોવા મળશે. જેમાં દાહોદ, પંચમહાલ અને વડોદરા જિલ્લામાં ભારેથી અતિભારે વરસાદ વરસી શકે છે. આજ પ્રકારની આગામી દક્ષિણ ગુજરાતના ભરુચ અને વલસાડ જિલ્લા માટે કરવામાં આવી છે. જ્યાં પણ ભારે થી અતિભારે વરસાદ વરસવાની આગાહી કરવામાં આવી છે.
કલેક્ટર દ્વારા જણાવાયું છે કે ભારતીય વેધશાળા દ્વારા આગાહી કરવામાં આવી છે કે આગામી 24 કલાકમાં છોટાઉદેપુર જિલ્લામાં ભારેથી અતિભારે, વડોદરા તથા પંચમહાલ જિલ્લાના છૂટાછવાયા વિસ્તારોમાં પણ ભારેથી અતિભારે વરસાદ પડવાની શક્યતા છે. ઉક્ત સ્થિતિમાં વરસાદ પડવાથી ઓરસંગ અને ઢાઢર નદીમાં વધુ પૂર આવવાની શક્યતા છે,.
તેથી આ નદીના હેઠવાસમાં આવેલાં ગામોના લોકોને સાવચેત રહેવા સૂચિત કરવામાં આવે છે. નદીમાં પાણી ઉફાન ઉપર હોય ત્યારે નદીમાં ઊતરવાનું દુઃસાહસ ના કરવા અપીલ છે.ઢાઢર નદીના કિનારે આવેલા ડભોઇ તાલુકાના
નવાપૂરા, રાજલી, અંગુઠણ, થુવાવી, ઢોલાર, કરાલીપુરા, બહેરામપુરા, કરજણ તાલુકાના ખેરડા, હરસુડા, પિંગલવાડા, માનપૂર, સુરવાડા, સંભોઇ, વીરજઇ, અભરા, ઉમજ, પાદરા તાલુકાના વણછરા, કોટાણા, શહેરા, સદાદ, કોઠાવાડા, વાસણારેફ, નેદ્રા, વડોદરા તાલુકાના તલસટ, ચિખોદ્રા, અલ્હાદપુરા, ધનિયાવી, શાહપુરા, રાઘવપુરા, પાતરવેણી, વડદલા, અજીતપૂરા, પોર, રમણગામડી, ગોસીન્દ્રા, ઊટિયા મેઢાદનાં ગ્રામજનોએ પૂરની બાબતે સાવચેતી રાખે એ હિતાવહ છે.
